بەشی زانستی نەوت و گاز یەکێکە لە بەشە گرینگەکانی پەیمانگەی پێشەنگ کە تێیدا ئامانجی ئاشناکردنی ڕۆڵەکانی نەتەوەکەمانە بە تەکنیکەکانی بواری نەوت و گاز تاوەکو بتوانن لەو ڕێگەیەوە خزمەتی باشتری کۆمەڵگە بکەن لە ڕێگەی مامەڵەی دروست لەگەڵ وزە و سەرچاوە نوێیەکان. لەم بەشەدا هەموو تەکنیکەکانی بەشەکانی هەڵکۆڵین و بەرهەم هێنان و پاڵاوتن و پشکنینی نەوت و گەڕان بەدوای نەوت و هەڵگرتەی نەوتی بە شێوازێکی تیۆری دەخوێندرێت. لە بەشی نەوت و گاز چەندین وانە دەخوێنن لەگەڵ بونی پرۆژەی دەرچوون کە لە کۆتایی ساڵ ئەنجام دەدرێت لەلایەن قوتابیان. سیستەمی خوێندن لە پەیمانگەی پێشەنگ دابەش کراوە بەسەر دوو وەرز. هەر وەرزێک 14 هەفتەیە بۆ هەر بابەتێک چەندین کاتژمێری وانەی پراکتیکی و تیۆری وانە دەخوێندرێن. کۆتا ساڵی خوێندن کە ساڵی پێنجەمی پەیمانگایە، قوتابیان بە پێشکەش کردنی پرۆژەی دەرچوون یان توێژینەوەی زانستی ساڵی خوێندنیان تەواو دەکەن و ئەوکات شایستەی بەخشینی بروانامەی دیبلۆم دەبن لە لایەن پەیمانگاکەمانەوە. دوای تەواوکردنی پێنج ساڵی خوێندن، دەرچوانمان ئاشنا دەبن بە تەکنیکەکانی گەڕان بە دوای نەوت و گاز، هەڵکۆڵین، پاڵاوتن، بەرهەم هێنانی نەوت و گاز، هەڵگرتنی نەوت و گاز و زیادکرندی بەرهەمی نەوتی EOR. هەروەها مەشقی هاوینە سەرەکیترین چاڵاکیە. بۆ ماوەی مانگێك لە کۆمپانیاکانی نەوت و گاز دا ئەنجام دەدرێن. لەڕێگەی دەستەبەرکردنی مەشقی هاوینە قوتابیان لە کۆمپانیاکان بەشێوەیەکی کرداری ئاشنای کار و چاڵاکیەکانی نەوت و گاز دەبن.

زانستی كۆمپیوتەر یەكێكە لەو زانستە سەردەمیانەی كە لە هەموو بوارەكانی ژیان بەكاردێت و لەگەڵ كرانەوەی كوردستان بەڕوی زانست و تەكنەلۆجیا ئێستا ئەم زانستە پەرەسەندنێكی زۆری بەخۆیەوە بینیوە و دەیان كۆمپانیای سۆفت وێری و نوسینگەی تەكنەلۆجی ئێستا هەن كە دەیان و سەدان هەلی كاری بۆ گەنجان دابینكردوە كە لەم پسپۆریە شارەزان. پەیمانگاكەمان ئێستا لەم بەشە ژمارەیەكی زۆری مامۆستای بەتوانا و هەڵگری بڕوانامەی بەكالۆریۆس و ماستەری دابینكردوە لەپێناو دروستكردنی نەوەیەكی بەتوانا پشت ئەستوور بە زانست و تەكنەلۆجیا. بەشی كۆمپیوتەر یەكێكە لەو چواربەشەی كە لەسەرەتای دروستبوونی پەیمانگای پیشەنگ هەیەو یەكێكە لەو بەشانەی كە زۆرترین قوتابی هەیە. لەم پەیمانگایە بە 5 ساڵ خوێندن بەرنامەكانی كۆمپیوتەر دەخوێندرێن كە ئێستا لە بازاری كاری كوردستان پێویستن. لە یەكەم سێ ساڵ بنەماگشتی یەكانی كۆمپیوتەر هارد وێر و پارچەكانی دەخوێندرێت لەگەڵ ئەو بەرنامە سەرەكیانەی كە زۆر پێویستن بۆ بەكارهێنانی كۆمپیوتەر و ئینتەرنێت و دروستكردنی داتابەیس و ئەنجامدانی كرداری ماتماتیكی بە بەكارهێنانی كۆمپیوتەر و بنەماكانی دیزاینکردنی وێنە و دروستكردنی وێبسایت. لە دوو ساڵی كۆتایی خوێندنی پەیمانگە قوتابیان لە پسپۆریەكانی ئەم زانستە قووڵدەبنەوەو لە یەكێك لەم سێ لقەی خوارەوە درێژە بەخوێندنیان دەدەن. - وێب دیزایین: لەم بەشەدا قوتابی فێرە دروستکردنی وێبسایت و گەشەپێدان بە وێبسایتەکان دەبێت لە پاڵ دیزایین کردن و ئامادەکردنی پۆستی سۆشیاڵ میدیایی لە ڕێگەی خوێندنی چەندین بابەتی زانستی و سەردەمی. - پڕۆگرامینگ: لەم بەشەدا قوتابی فێرە دروستکردنی سیستەم و بەرنامەکانی مۆبایل و دیسکتۆپ و گەشەپێدان بە سیستەمەکان دەبێت لە پاڵیدا بابەتەکانی ڕؤبۆتیک و

پسپۆڕی کارگێڕی كار یەکێکە لەو پسپۆڕیانه‌ی کە گوزارشت لە میکانیزمی کارکردن وئەرک وچالاکییەکان دەکات کە پڕۆژه‌ جیاوازه‌كانی بازاڕ یان چالاکی ئابوری ڕێكده‌خات،وەک کاری كه‌رتی تایبه‌ت و دامەزراوە حکومییەکان،وه‌ هه‌ر ڕێكخراوێك كه‌ پێویستی به‌ ڕێكخستن و چاودێریكردن و سه‌رپه‌رشتیكردن و سه‌ركردایه‌تی كردن وبه‌دواداچون هه‌بێت، وه‌ ئەم پسپۆڕییە ئاسۆی زانیاریاریەکان فراوان دەکات تایبه‌ت به‌ كۆمه‌ڵێك بواری جیاواز،وەک بەڕێوەبردنی به‌بازاڕکردن، دارایی، وسەرچاوە مرۆییەکان بەڕێوبردنی دەرامەتەکان. پسپۆڕی کارگێری كار یەکێکە لەو پسپۆڕییانەی کە قوتابی وخوێندكارێكی زۆر بۆ لای خۆی ڕادەکێشێت. له‌به‌ر ئه‌وه‌ی پسپۆڕیه‌كه‌ پەیوەندی بە بەڕێوەبردن وبەردەوامی کۆمپانیاکانەوە هەیە، وه‌ هه‌روه‌ها ده‌سكه‌وته‌ داراییه‌كانی ئه‌م پسپۆڕییەکە باشە، وه‌ لەم دواییانەشدا تێکڕای داهاتی ساڵانەی پسپۆڕی کارگێڕی کار بە شێوەیەکی بەرچاو زیادی کردووە، ئەمەش بە واتای گرنگی ئەو پسپۆڕییە وزیادبوونی خواسته‌ لەسەری، بەهۆی ڕۆڵ و گرینگی ئەم بەشە لەپڕۆژە و ناوەند و فەرمانگەکان. بەشی کارگێڕی كاری یەکێکە لەو کەرتانەی دەوڵەمەندە بە هەلی کار وه‌ لە گرنگترین ئەو کارانەی کە دەرچووی کارگێڕی كار دەتوانێت کاریان تێدا بکات بریتین لە: كه‌رتی تایبه‌ت، کارگێڕی گشتی (كه‌رتی حكومی) ، كارگێڕی فرۆشتن، بەڕێوەبردنی پڕۆژەکان، سەرچاوە مرۆییەکان، پلاندانان وبەڕێوەبردنی دارایی، بەبازاڕکردنی ئه‌لیكترۆنی، بەرێوەبەرى کارگێرى و بەرهەم هێنان، بەرێوەبەری بانک ، بەڕێوەبەری پەیوەندییە گشتییەکان، بەڕێوەبەری فرۆشتن، به‌رێوه‌به‌ری پرۆژه‌، ڕاوێژکاری بەڕێوەبردن، بەڕێوەبردنی درامەتەکان.

بەشی ژمێریاری یەکێکە لەبەشە هەرە پرخواستەکانی پەیمانگەی پێشەنگ کە بەشێوەیەکی زانستی وپرۆفشناڵانە کاردەکات لەسەر پێگەیاندنی قوتابیان کەلەداهاتوو دەبنە خاوەن بڕوانامەی ژمێریاری ئەو بەشەیە کە تیایدا گرنگی دەدرێت بە فێربونی زانستی ژمێریاری بەشێوەیەکی پێشکەوتوو سەردەمیانە . قوتابیان سەرجەم بنەماو رێسا تایبەتەکانی ژمێریاری لە رێگەی چەند وانەیەکی تایبەتەوە لە ماوەی (5)ساڵ دا دەخوێنن سەرەڕای گرنگی دان بە خوێندنی وانەکان وانەکان بەشێوەکی زانستی وپەروەردەیی لە هۆڵەکانی خوێندن لە ڕیگەی ڕاهێنانی قوتابیانە بۆ ئەنجام دانی پرۆژەی پیشەیی کە بەشیوەیەکی پراکتیکی شارەزایی بواری ژمێریاری دەبن. وە ئەنجامدانی گەشتی زانستی بۆ کۆمپانیاو دامەزراوەکان .لەگەل چەندین چالاکی وەکو سیمنار ، دیبەیت ،خولی فێربونی زمان وبەرەو پێشبردنی ئاستی زانستی قوتابی و توانامرۆییەکان. زانستی ژمێریاری یەکێکە لەو زانستانەی کە لە ئێستادا گرینگیەکی زۆری پێدەدرێت و خواستێکی زۆری لەسەرە ئەمەش دەگەرێتەوە بۆ گرنگی ڕۆلی ژمێریار چونکە هەڵدەستێ بە تۆمار کردنی زانیاری لە بارەی سەرجەم ئەو مامەلەداراییانەی کە کۆمپانیا یاخود یەکەیەکی حکومی و ناحکومی ئەنجامی دەدات وە پوختەکردنی ئەو زانیاریانە لە چەند لیستێکی دارایی هەروەها گەیاندنی بەو لایەنانەی کە سودی لێ دەبینن لە بڕیاردان. هەروەها قوتابیان فێری بنەما ورێساکانی ژمێریاری دەبن، وە چۆنیەتی ئامادەکردنی تۆمارە ژمێریاریەکان و لیستە داراییەکان کە زانیاری تایبەت لەبارەی ناوەندی دارایی دامەزراوەو لیستی داهات و خەرجیەکان دیاری کردنی ئەنجامی کارەکانی دامەزراوە لە قازانج یازەرەر. سەرەرای گرنگی دان بە چەند وانەیەکی تایبەتیش بە بەرێوەبردن و کارگیری گرنگی بەفێربونی زمان و کۆمپوتەریش دەد