مێژووی پەیمانگە

پەیمانگەی "پێشەنگ"ى ناحکومى، سەر بە وەزارەتى پەروەردەیە و لە ساڵی خوێندنی ٢٠١٩-٢٠٢٠، بە درووشمی " خوێندنی پیشەیی، پەروەردە و ڕۆشنبیری، زانستی هاوچەرخ " دامەزراوە دامەزراوە؛ پەیمانگەیەکی پێنج ساڵەیە و دەرچووانى پۆلی ٩ی بنەڕەتی، ١٠و ١١ی ئامادەیی وەردەگرێ. ئەم پەیمانگەیە، بەشێکە لە دامەزراوەى شەهید بۆ پەروەردە و خوێندنى باڵا، کە گەورەترین دامەزراوەى کەرتى تایبەتە لەم بوارەدا و، لە پارێزگاکانى هەولێر و دهۆک و ئیدارە سەربەخۆکانى زاخۆ و سۆران، خاوەن ١٤ پەیمانگە و کۆمەڵگەیەکى پەروەردەییە. پەیمانگەی پێشەنگ چوار بەشی جیاواز لەخۆدەگرێت کە بریتیین لە: نەوت و گاز، کۆمپیوتەر، ژمێریاری و کارگێڕی. ئەم بەشانە لەسەر بنەماى پێداویستییەکانى بازاڕى کار دانراون، تا قوتابى دواى تەواوکردنى خوێندنەکەى بتوانێ بە ئاسانى لە بازاڕى کاردا جێى خۆى بکاتەوە. بە گرنگیدان بە پەروەردەی تیۆرى و پراکتیکی، پەیمانگەی پێشەنگ کۆمەڵێک بەرنامەی جۆراوجۆر پێشکەشدەکات کە بەپێی داواکارییەکانی پیشەسازییە مۆدێڕنەکان و ئابووری جیهانی پەرەسەندوو داڕێژراون. بەرنامەى پەیمانگەکەمان جەخت لەسەر توێژینەوە و داهێنان و فێربوونی کردەیى دەکاتەوە و قوتابییان دڵنیا دەکاتەوە لەوەی، کە خوێندکاران بەو شارەزایی و متمانەیەی، کە پێویستن تا لە پیشەکەیاندا سەرکەوتوو بن، تەیار دەکرێن. پەیمانگەی پێشەنگ لەلایەن ستافێکی بە ئەزموون و شارەزا و خاوەن بڕوانامەی بەرزی وڵاتانی دەرەوە و ناوخۆ سەرپەرشتی دەکرێت.